قصيدة يبو الغيرة مكتوبة للرادود حسين فيصل
يا عباس يبو الغيرة صحت
على النار يخوية تراكضت
اطفي النار وحدي وما ظل راي عندي
يا عباس يا عباس
******************
أناديك يا عباس وأنت الغيور الما كطع بيه
والاطفال بالخيام عمة تصيح وتشبك عليه
وانا بهاي يا رجواي محتارة وايدي بنار مجوية
امن الهموم والاحزان شافوني مثل هلال محنية
يا عباس ولتني كربلا
وبالونين أجمع العايلة
ضعيفة حال تدري وما ظل راي عندي
يا عباس يا عباس
*******************
يا عباس يبو الغيرة صحت
على النار يخوية تراكضت
اطفي النار وحدي وما ظل راي عندي
يا عباس يا عباس
********************
بالدموع أحاجيك عباس وينك حرقوا خيامك
بلا ماي يا وفاي ومن العطش تتصارخ أيتامك
يبو الزود صحت بيك انهض يا خوية وعيدها أيامك
ويا عباس بالسياط ضربوا امتون سكينة قدامك
على الخيل أعاين وانهضم
والجروح يدقن بالعظم
وياك منين أبدي؟
وما ظل راي عندي
يا عباس يا عباس
*******************
يا عباس يبو الغيرة صحت
على النار يخوية تراكضت
اطفي النار وحدي وما ظل راي عندي
يا عباس يا عباس
*******************
إجه الجيش والاطفال مذعورة كلها تنظر الحالة
يخوية الفجيعة حسين انذبح وانسلبت عياله
ترى احنا انولينه والشمر راسه اعلى الرمح شاله
ويا عباس بالخيام بس العليل وعينه همالة
أريدك تجيني برايتك
غريبة واريدن فزعتك
شوكت بالنوق تحدي وما ظل راي عندي
يا عباس يا عباس
*******************
يا عباس يبو الغيرة صحت
على النار يخوية تراكضت
اطفي النار وحدي وما ظل راي عندي
يا عباس يا عباس
ليست هناك تعليقات:
إرسال تعليق